Transkripsi Diplomatik Serat Ambiya Jilid II

In Materi

Transkripsi edisi Diplomatik

Punika Serat Ambiya

Ingkang jilit II

Kawuryannan ing dinten kemis pon

Wulan jumadilawal

Taun Alip 1867

  1. risampunnira mangkana / nulya manthuk sira Nabi Ibrahim / kepanggih garwanipun / kanama dewi Sarah / duk semana kalih sami kannggennipun / lingirasane wisarah / eh tuwan Nabi Ibrahim
  2. ambangunni nguwenanar / lamun tuwan amennang perang sabil / amungsuh sang raja namrut / punika nadar amba / Nini anjar katurra dhateng pukulun / tumunten tuwa nikahha / lingira nabi Ibrahim
  3. mennawa tan lulus sira / besuk sira aduwe lara ati / sang dewi sarah umatur / leres yen sangking tuwan / mangke amba kang darbe mangke ingkayun / yen darbeye sakit mannah / lahta inggih kadipundi
  4. risampunnira mangkana / nulyaning lah anyjar lan Nabi Ibrahim / linarite samya lulut / denya apalakrama / lami-lamini anjar awawrat sepuh / sangnget denya pepasiyan / anjar lan nabi Ibrahim
  5. ni dewi sarah tumikala / dhateng anjar langkung suckering katir / tan anuju wolahipun / nadya maturing raka / nini anjar enoh ennala wanlingsun / sampun katingal le mata / atemah panas ati
  6. mengkana sira ni anjar / wawrat tan nemangke wus sangang sasi / mengkana duk wektu subuh / nabi Ibrahim angajak / nunggang unta sek sana sira lumaku / anarung tan angsal pernah / nulya prapteng bumi meskin
  7. mengkana sira ni anjar / wawratane saya karaos sakit / gya puputra miyos jalu / ateges warnannira / ingkang rama solah tingkah polahipun / mengkana sira ni anjar / tedhaking untalan siwi
  8. ya lenggah wonten ing lemah / ingkang putra ing ngaranan Ismail / punika ing namanipun / le ngngira nini anjar / tan kuwawa kawula ing panasipun / lan sukerre awak kula / dene tan amanggih warih
  9. mesaaken putra tuwan ing seksana kedah Nabi Ibrahim / sumedya ngullari banyu miner-miner tannangsal / munggeng ara-ara tan amanggih banyu / Nabi Ibrahim kemengngan / dadiya minggah djateng wukir
  10. ing ngarannan gunung ngarpat / pan ping pitu malajeng wali-wali / dene gugup galihipun / naning tan manggih toya / kawarna adewi anajr kang amangku / dhamateng ing putrannira / rumaod datan kuwawi /
  11. yen tinna panas kalintang / lamun dalu kelangkung dene atis / dyan sinneleh kang sunu / neng siti mancal-mancal / maring bumi Ismangil sampeyannipun / yata bumi kang-kang pancal / dene mukjijat kang siwi
  12. medal sumber toya kang muncar / ing nganrannen janjam wau kang warih / ni anjaranulya adus / samana wau kang putra / sinniramman cahyaninnira langkung mancur / ni anjar suka ing nala / dene mukjijat kang siwi
  13. nulayana wong dagang liwat / anningalimwana ana bebayi / tur wami anyandhing bannyu / gya samya ing ngapirran / yata angling dhumateng kang manguku sunu / lah dika tiyang punnapa / anneng wana mangku bayi
  14. lawan nyandhing toya annyar / selaminne ngriki tan ana warih / ni anjar alon umatur / iku bannyu mukjijat / bocah iki kang mancal medalaken bannyu / jatine lare punnika / putranne nabi Ibrahim
  15. duk wau tan wonten Toya / mila kesah nabi ngulari warih / seksana ki dagang asung / wantralan cedha arran / dene wikan yen badhe nabi pinnunjul / ki dagang tumulya kesah / nabi ibrahin nulya prapti
  16. nanging datan angsal Toya / sareng mulating prenahira siwi / nyandhing sumber toya agung / ataken mring kang garwa / gya winnartaning purwa duk wau-wau / nulya siram nglalap kapdas / ing ngriku nabi Ibrahim
  17. sukur dhateng ing pangeran / solat patang rekangat salam nuli / karya padalemman sampun / toya sancing panggenan / ing pinggirre tinnanemman sri angnglayu / yata dhusune kering kannan / akathah ingkang kepengin
  18. dadya tumut wis mengngrika / saya dangu wau nabi Ibrahim / sakkalangkung tresnannipun / dhumateng ingkang putra / lami-lami anggliliri garwanipun / ingkang namane Wi Sarah / gya kesah nabi Ibrahim
  19. prapta ing bental mukadas / sampun panggih lan dewi sarah nuli / kunneng dhateng putrannipun / nulya dhumateng mekah / yata sampun kapanggih lawan kang sunu / onneng dhateng garwannirra / mring bental mukadas malih
  20. Nabi Ibrahim sumpenna / ana syarah ta nabi Ibrahhim / becik Ismangil iku / sira kaya akurban / sembeleh endi men pedhot kang agulu / risampunnira mangkana / nabi ibrahim anglilir
  21. ngungun grahitanning mannah / apa temen annak ingsun Ismangil / ingsun kang kinnenambunuh / ingsun karya kurebban / risaksana jabara linulya rawuh / angsulsalam sarya ngucap / eh sannak amba Ibrahim
  22. tampi yatim ballaning yyang / apan estu supenna tuwan unni / nabi Ibrahim umatur / sumongga karsanning yyang / sampun annak sannajan selira katur / yata jabarail kesah / mengkana nabi Ibrahim
  23. karsa kesah dhateng mekah / dewi Sarah aturre amlas asih / dhateng pundi tapukulun / dene tuwan adandan / yata nabi Ibrahim ngandika arum / ingsunnir samaring mekah / amaranni si Ismangil
  24. mau ana tutunning yyang / ingsun kinnen nyambeleh si Ismangil / sang dewi Srah umatur / angurbaya si anjar / sampun sepuh sembeleh andi men lampus / jeng nabi Ibrahim kesah / prapteng mekah angngling
  25. dhumateng sira ni anjar / lah dussana annak ira Ismangil / arsasun gama mertamu / marang ing boja minna / yata inggal putra sinniramman sampun / binnusannan dawuhaken dah / dhsar wannannira pekik
  26. yato ing ngajak lumampah / dhateng rama Ismangil atut wingking / dewi anjar ngater pinta / pinnarak eblis lannat / lingge eblis lah anjar Ismangil aku / binnakta ing boja minna / ujarre kesah mertami
  27. nanging sejatine ora / pun ismangil arsa dipunpejahi / nilanjeng alon amuwus / mahya ing ngendi ana / iga ing wong nyambeleh marang ing sunu / umatur sang eblis lannat / tan karsannira prabadi
  28. sangking karsanning pangeran / yata nini anjar sumaur aris / iya ingsun sokur sewu / yen ana karsanning yyang / yata emblis tan angsal panggodhannipun / dadya annututtu sigra / dhumateng nabi Ismangil
  29. Jinnawil saking ing puntat / lingnge eblis yen tuwan datan unning / tuwan arsa dipunbunuh / dennira rama tuwan / pan kinnaryan kurban Ismangil amutus / lah iya ngendi ana / manungsa nyambelah siwi
  30. tambuh yen kinnon denning yyang / lingge eblis inggih saking yyang siwi / nabi Ismangil sumatur / yen saking pakonning yyang / iya sokur malih dadi rennanningsun / ana kasunning dhateran / punning eblis si mungsi mungsi
  31. tan angsal dennya rencan / yata nabi ismangil annututti / ing rama tumulyan matur / lah ta pundi genram / pernahipun lawan nyambeleh maring sun / nabi Ibrahim ngandika / iya sangking sun ismangil
  32. ing kene karsanning sukma / pernah irsun sambeleh Ismangil / yata kang putra umatur / lah sampun kelayatan / dipun inggal karsanning yyang ingkang agung / mennawi temmah kasukan / ngandika nabi Ibrahim
  33. lah ta iya annak ingwang / dene pasrah sira maring yyang widi / nabi Ismangil umatur / unggih suwawi rama / inggal lenna karsanne yyang maha luhur / karya ambalang eblis
  34. ingkang sami angge godhaa / gya sinnungngan sela nabi Ismangil / yata gumuling kang sunu / sarta ngungngal kanjongga / riseksan kang putra alon sinnambut / nabi Ibrahim asigra / anna rikkang punning sundrik
  35. ginnorokkan kang putra / datan pasha sira nabi Ismangil / yata kang putra umatur / temmah tuwan meksih tresna / milannipun boten pasan tapukulun / tuwan ningngalli wedana / tuwanna saban rahi
  36. dimen kal Trisna tuwan / gya musa lisinna sabrahi Ismangil / dyan sinembeleh kang sunu / ameksa datan pasha / lingge putra lah madika amungkur / dadyo men sarira amba / sampun panduka tinggalli
  37. yata mungkur ingkang rama / saweg nyandhak ing jaganne kang siwi / yata jaba rail rawuh / sarya ambekta menda / sakir syarga pethak cecenges cassipun / alemukar punnang menda / sangngan nom jus den lironni

Tags: #contoh transkripsi diplomatik #transkripsi diplomatik #transkripsi diplomatik serat ambiya

Tuladha Pawartos Basa Jawa
Tuladha Pawartos Basa Jawa
Para pamirsa, Sugeng pepanggihan kaliyan kula …………..
Materi Pawartos
Materi Pawartos
Teknik Maos Pawartos Maos pawartos kalebet jinis
Tuladha Candraning Manungsa
Tuladha Candraning Manungsa
Candraning Manungsa Ing ngandhap menika salah satunggaling
Materi Nyerat lan Maos Geguritan
Materi Nyerat lan Maos Geguritan
GEGURITAN Geguritan menika saking tembung gurit ingkang
Must read×

Top
×